بسم الله الرحمن الرحيم
والصلاة والسلام علي أشرف المرسلين وخاتم النبيين
أما بعد أخوتي في الله أحضرت لكم اليوم تطبيق رائع سيمكننا ان شاء الله من وضع أي عدد من نسخ
الويندوز أو أي نسخة أيزو علي cd أو فلاشه وتكون قابلة للأقلاع في نفس الوقت يعني مثلاً في
الطبيعي أنت بتحرق نسخة الويندوز الواحده علي اسطوانه واحده مع التطبيق ده ممكن تحرق
نسختين أو حتي ثلاثه علي نفس الأسطوانه وكمان تكون قابله للأقلاع وليك الحريه أنك تختار
النسخه اللي تحب تقلع بها وبكده توفر علي نفسك انك تحرق كل نسخه علي اسطوانه منفرده
والمفاجأه كمان انك ممكن تعمل كده علي الفلاشه usb flash يعني ممكن يبقي عندك اسطوانه
واحده مثلاً وعليها كل نسخ الويندوز الخاصه بيك سواء ويندوز 7 أو ويندوز 8 أو حتي اسطوانة
طواريء زي اسطوانة الكاسبر أو الأفيرا يعني اسطوانه شامله وزي ما بنقول في مصر شغل علي
مياه بيضاء
كفايه كلام وندخل في المفيد أولاً التطبيق ده إسمه xboot وحجمه صغير زي اسمه حوالي 5
ميجا بس تطبيق حكايه وعشان هو نادر ومش لاقي ليه موقع تحميل رفعته بنفسي
ودلوقتي ندخل علي الشرح وزي ما بحب أقول ان الشرح بالصور أبلغ من الكلام أترككم مع الصور
أخوتي في الله
بسم الله نبدأ
وبكده يبقي عندك مثلاً اسطوانه واحده يمكنك ان تقلع بها كأسطوانة طواريء واذا احتجت تسطيب
ويندوز 8 ستقلع من نفس الأسطوانه وهكذا
وطبعاً ليك الحريه انك تضع ما تشاء من النسخ علي كيفك وتجعلها بوتابل من نفس الأسطوانه أو
الفلاشه
ملحوظة بالنسبة للناس اللي هتحرق علي فلاشه مباشرة اوعي تنسي تغير اعداد البيوس عندك ليكون الأقلاع من الفلاش usb-hdd او removable
ملحوطة أخيره: يمكن بواسطة التطبيق وضع أي برامج بصيغة أيزو لتكون قابلة للأقلاع أيضاً
أتمني ان يكون الشرح كاف وأي سؤال أنا تحت أمركم
تم بحمد الله وإن وفقت فمن الله وحده وان أخطأت فمن نفسي ومن الشيطان
والسلام عليكم ورحمة الله أخوكم الأدمن
