حل مشكلة الكيوماكس 999 الجولد مع النت

السلام عليكم اولا

النهاردة يا جماعة انا عايز اتكلم عن موضوع مهم بيخص الكيوماكس الجولد

الموضوع دة تعب ناس كتير وكانت ناس كتير بتعانى من الموضوع دة وانا اولهم

وانا واللة مش عايز اقولكم انا تعبت قد اية لغاية ما وصلت لحل الموضوع دة انا والاستاذ هانى نبيل صاحب الموضوع الاساسى

وكانت المشكلة تتلخص فى ان الجهاز لايتعرف على انواع كتير من الروتر وكان اكتر نوع عامل معاة مشاكل هو

الروتر البليون بكل موديلاتة وانواع اخرى من الروترات

وكان الحل المبدئى اللى وصلتا الية - هو تركيب سويتش بعد الروتر وكان بيحل المشكلة بنسبة كبيرة ولكن كان ساعات

الجهاز مش بيشوف كل البورتات ويعمل تعارض فى البورت وكنا نقول يحلها سوفت قديم وغيرة

والمشكلة التانية ان كان فى ناس كتير بتشتكى من موضوع الايبى الاسمى
والايبى الرقمى ان الرسيفر بيشتغل على الايبى الرقمى فقط ودة كلام غير
صيحح بالمرة

الرسيفر بيشتغل على الاسمى والرقمى وبكفائة عالية وبدون اى مشاكل - كان
الواحد بييشغل الرسيفر فى المحل وبعدين يروح البيت يلاقى الرسيفر مش شغال
عندة -- ويقول جربتة فى المحل كان شغال و عند صاحبى لقيتة شغال

وانا كنت واحد من الناس اللى قالت الكلام دة وكان الموضوع محيرنى جدا جدا جدا

حتى انى قمت بفتح بورتات فى الروتر من الويندوس وبورتات تشغل الجى بوكس ولكن بردك الرسيفر لم يعمل

واخيرا بالصدفة البحتة -- بالنسبالى لقيت حل المشكلة لكل الكلام المكتوب فوق وقلت لازم اعمل الموضوع دة وقولكم

على الحل
المشكلة كلها بتبقى فى اعدادات الرسيفر لما بندوس انفو واحمر بنلاقى الرسيفر شايف الايبى والديفلد جيت واى

والسبنت ماسك وخانة الدى ان اس رقم 1 فيها رقم الديفلد جيت واى مظبوط كدة -- وفية بعض الرسيفرات م ش بتشوف
الكلام دة خالص -- بنضطر ان احنا نكتبة يدوى

دية الاعدادات المظبوطة علشان الرسيفر يعمل على اى روتر حتى دون الاستعانة ب سويتش

1-ip address 192.168.1.113
ودة الايبى بتاعك اللى انت واخدة من الروتر او اللى الروتر شايفة ولو مش عارفة ممكن تجيبة من اعدادات النت

2- subent massk 255.255.255.0
والرقم دة مش بيتغير

3- 192.168.1.254 defult gateway
دة بردك لو مش عارفة جيبة من اعدادات النت

4- dns 1

وهنا بقى مش هنسيبة فاضى او نعملة اصفار هنا لازم نكون عارفين رقم ال DNS بتاع شركة النت اللى احنا مشتركين معاها

ولتمن مثلا تى داتا اللى انا هكتب رقم DNS الخاص بيها ودة يبفع مع كل مشتركى تى داتا يقدروا كلهم يكتبوة وبيكون كدة

DNS 1 163.121.128.134

DNS 2 163.121.128.135

و بعدين لما نكتبهم نعمل EXIT ونطفى الرسيفر من الخلف ونولعة مرة تانية ونصبر ثوانى هتلاقى الرسيفر عمل كونكت
ذى الفل مع السلفر المجانى والسلفر المدفوع الاجر واشتغل على الايبى الاسمى والرقمى

وبكتابة رقم DNS لشركة تى داتا اى واحد كان عندة مشكلة فى الروتر مع الرسيفر هتختفى خالص والرسيفر هيشتغل ذى الفل

وارقام ال DNS الموجودة فوق خاصة بشركة تى داتا ياريت اللى مشترك فى شركة غير تى داتا يكتب ارقام ال DNS

الخاصة بيها وياريت اللى عارف الرقم الخاص ب دى لينك يكتبة او انترنت مصر اى حد يقرا الموضوع لا يبخل بكتابة باقى الشركات

دية ارقام شركة لينك لاى حد محتاجها

dns1- 213.131.65.20

dns2-213.131.66.246

ارقام شركة رايا لو حد محتاجها - Raya

DNS1 : 62.240.110.197

DNS2 : 62.240.110.198



ارقام شركة يالا لو حد محتاجها - Yalla

DNS1 : 62.139.6.106

DNS2 : 62.140.74.1

جرب الارقام دى
تعمل مع اى شركة
4.2.2.3
4.2.2.2


وهذا الموضوع والحل دة بعد تعب لانى مكنتش اعرفة ومحدش قاللى علية ودة نتاج تجربة شخصية بعد التعب والمجهود

طبعا ارقام ال اى بى و الديفلد جيت واى ممكن تتغير من شخص لاخر --- لكن DNS1 & DNS2 دية ارقام ثبتة عند كل مشتركى شركة تى داتا تكتب كما هى مكتوبة فوق

معلش انا طولت عليكم بس فية ناس كتير يهمها الموضوع دة

والموضوع دة اهداء للعملاق واستاذ الجولد الاستاذ هانى نبيل

والمايسترو شريف علشان ميقلقش من الجهاز بالمرة وشوية شوية بنلاقى حلول يا شريف